Illuni assakaasulinni najugaqartinneqassapput

Aasianni ilinniarnertuunngorniarfimmi ilinniartut inissaat 90-it amigaatigineqarput, taamaattumik ilinniartut inissaqanngitsut illuni assakaasulinni utaqqiisaasumik najugaqartinneqassapput.
Allattoq Janus Maqé
maajip 28-at 2010 13:46

Illut assakaasullit ilinniarfiup eqqaanut inissinneqassapput.

- Aaqqiinniarneq atuuttuartussanngilaq massakkulliuna qanoq iliuusissaarunnerup kinguneranik taamaaliorniartugut, rektori Flemming Guntofte Nielsen oqarpoq.

Ilinniartut inissaannik sanaartortoqarnissaa pilersaarutaavoq.

- Kisianni aggustip aallaqqaataa nallertinnagu naammassisinnaanngimmata pilertortumik aalajangertariaqarsimavugut ilinniartut takkuttussat inissaqartinniarlugit, Flemming Guntofte Nielsen oqarpoq.

Init assakaasulimmiittut massakkorluinnaq aaqqiivigineqanngippata illoqarfimmi inissarsiorniartariaqassaagut attartorluta tamannalu ilinniartunik inissaqartitsiniarneq Ilinniarnertuunngorniarfimmut 4 millionit koruuninik siorna amigartoorutaavoq.

- Aningaasat taakku ilinniartut atortussaannut ilinniartitsisullu tiimiinut atorsimasinnaagaluarpavut, Flemming Guntofte Nielsen oqarpoq.

Ilinniartut 400-t missaat aggustimi aallartissapput, ilinniarnertuunngorniarfik piulermalli aatsaat taama amerlatigisut aallartissallutik.

Ilinniartut inissaat 50-inut inissalik 2012-imi aatsaat piareersimasussaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq