Illu Sullivik Sarfannguaniittoq oquppoq
Illu Sullivimmut aningaasaliinissaq kommunalbestyrelsep ataatsimiinneranit kingullermit imaqarniliamit atuarneqarsinnaavoq.
Sarfannguani Illu Sullivimmi misiligutitut piiakkat misissorneqarnerisa takutippaat annertuumik oqoqartoq.
- Ukiorpassuanngortuni uffartarfimmi kannerit ussiitsuusimapput taamaalillunilu imeq illup sannaanut qisuusumut kuuttarnermini oqummik pilersitsisimalluni, kommunalbestyrelsep juunip 16-iani ataatsimiinnerani imaqarniliami taama nassuiaapput.
Taamaattumik sullivup matuneqarnerata kingorna Illu sullivimmi sulisut illumut allamut nuukkallartariaqarsimapput.
Kisianni aamma illumut allamut nunneq kommunimut immikkut aningaasartuutaavoq, illup atorneqarallartussap piareersarnerinnaanut 189.000 koruunit aningaasartuutaammata. Taakku ruujorilerinermut, innaallagialerinermut sanasullu sulinerannut aamma atortussanik nutaanik pisiortornernut atorneqarput.
Illu Sullissivimmi iluarsartuussinissanut millionit affaat atorneqartussatut missiliorneqarput. Tassami suleqataasut suliffimminnut uternissaat sioqqullugu illu salinneqaqqaartussaavoq natialu asiusimasoq taarserneqarluni.
Tassalu tamakku tamarmik katillutik 689.000 koruunit kommunimut aningaasartuutaassapput.
Aningasaliissutissat Aningaasaqarnermut Ataatsimiititaliap ilassutissatut akuersissutigaat.
