Illorsuarni pigisat aaneqarput
Kommunip upalungaarsimasuutitai, Issittumi Sakkutooqarfik Danmarkimilu upalungaarsimasuutitani immikkut ilisimasalik Nuugaatsiami pigisanik pingasunngornermi aallernertik naammassivaat.
Illorsuarnilu pigisanik aallernissaat maanna tulliuppoq. Nunaqarfimmi illut maannammut 16-it ullumi sisamanngornermi aallerfigineqarput.
AAMMA ATUARUK Illorsuarni illut ullumi misissorneqassapput
AAMMA ATUARUK Nuugaatsiami pigisat assartorneqartut
Illut tamaani ikinnerummata nakkaattoornissaallu aarlerinaateqannginnerummata pigisanik aallernertik naammassiaassangatikkitsik, Issittumi Sakkutooqarfiup tusagassiisartuata Jette Elkjærip oqaatigaa.
Taamaammat naatsorsuutigaat pigisat Illorsuarni aaneqartut kommunip Uummannami sulisuinut aqagu tunniunneqassapput, taakkua piginnittunut ingerlateqqinniassammatigit, Jette Elkjær oqarpoq.
AAMMA ATUARUK Sakkutuut Nuugaatsiami pigisanik aallertut
AAMMA ATUARUK Issittumi Sakkutooqarfik pigisanik ullumi aallerniartoq
Illunik taakkuninnga piginnittut akuersissummik atsiugaqarsimammata pigisat tigorusutaat aaneqarput.
Kommunillu illuutillit sinneri attaveqarfigineqarsinnaasimanngimmagit, taakkua pigisaat aaneqanngikkallarput. Akuersissummilli atsioreerpata pigisaat aamma aaneqarsinnaalerumaarput.
