Illoqarfittut ikinngutigiit imminnut qanillattorput

Roskilde Kommune aprilip qaammataa tamaat Kalaallit Nunnaanut tunngasunik assigiinngitsorpassuarnik aaqqissuussivoq taaguuteqartumik Inuit Nu. Roskildip Kommuniani kultureqarnermut tunngasunik ataqatigiissarisoq, Marie Berthelsen ima oqarpoq. 

- Roskilde aamma Nanortalik ukiuni 45-ni illoqarfittut ikinngutigiipput, suleqatigiinnerlu pitsaalluinnartuuvoq. Illoqarfiit marluk uagutsinnut kattunneqarnikuupput, taakkulu Nanortalimmik suleqateqarnitsinnut annertunerusumik ilisamasaqanngillat. Maannalu aamma Nanortalik illoqarfinnut allanut marlunnut kattunneqarnikuuvoq, taakkulu aamma suleqatigiinnitsinnut annerusumik ilisimasaqanngillat. Tamakkuuppullu taamatut aaqqissuussinermut peqqutaaqataasut ilaat, Marie Berthelsen oqarpoq.     

Suliffeqarfiit peqatigiiffiillu assigiinngitsut Roskildip Kommuneata aaqqissuussineranut ikiuukkumallutik nalunaarsimapput.

- Suliniarnerput apummut assakaalluni alliartuinnavissumut assersuuneqarsinnavoq. Peqatigiiffiit kulturimik suliallit saaffiginikuuagut aprilimi Kalaallit Nunaat pillugu suliaqarnissatsinnut soqutiginninnersut. Paasinarsisimavorlu soqutiginninneq annertusoq, Marie Berthelsen oqarpoq.

Aaqqissuussanut assigiinngitsunut aningaasartuutit peqatigiiffinniit suliffeqarfinniilluunniit nammineq akilerneqartarput.

-Aaqqissuussisut assigiinngitsut kulturimut tunngasunut allanut aningaasartuutissaraluatik iluatsillugu Kalaallit Nunaat pillugu aaqqissuussinermut atorpaat. Aammalu Roskildip Kommuniani kultureqarnermut ataatsimiititaliaq pilersaarutinut siammarterinissamut  100.000 kruuninik aningaasaliinikuuvoq, Marie Berthelsen oqarpoq.