Illoqarfissuup qeqqani kalaallit nuffisaasa ilamerngi nassaaraat
Nassaarlumi qaqutigooqaaq tupinnarlunilu, itsarnisarsiooq Jens Winther Johannsen naliliivoq.
- Piniummik Kalaallit Nunaanneersumik maani siornatigut nassaarsimanngisaannaratta misigisaq immikkuullareqaaq, Jens Winther Johannsen, Københavnip Katersugaasivianeersoq nassaaqataasorlu oqarpoq.
Nassaarineqartormi nuffiup ilagaa Kalaallillu Nunaaneersuunera qularisassaanani. Nueq tassaavoq Kalaallit qangaanerusoq timmiarniutigisartagaat.
Nuffiup ilamernganik nassaartoqarnera oqaluttuarisaanermut pisuunnguallaataavoq, tassami 1600-kkut nalaani Danmarkip Kalaallillu Nunaatalu akornanni susoqarsimaneranik oqaluttuartuugami.
Jens Winther Johannsenip aamma oqaluttuaraa vikingit nalaanniit ukiut akulliit tungaanut qallunaatsiaat Nunatta kujataatungaani najugaqarsimasut, ukiulli akulliit nalaani Kalaallit Nunaata Danmarkillu akornanni attaveqatigiittoqarunnaarsimasoq.
- Taamaammat Kalaallit Nunaannut attaveqaqqilernissaq Kunngip Christiaat sisamaata 1600-kkunni naalakkiutigaa, umiarsuillu nassiutereerlugit utermata kalaallinik aallarussisimapput, taakkulu ilumut Kalaallit Nunaanni inoqarneranik uppernarsaatigineqarlutik.
- Kalaallit 19-it 1600-kkuni Danmarkimut apuunneqarsimasut nalunngilara, taakkunnguakkuluillu umiarsuarmut uukapaatillugit ikitinneqariarlutik aallarussaasarsimallutik. Tassa taakku Danmarkimut apuutinnginnerminni umiarsuarmiit qimaaniarlutik avammut pissittarsimanerat aamma nalunngilarput. Danmarkimullu pigaangata angerlarsertarsimanerat aamma ilisimaneqarluarluni, Jens Winther Johannsen taama oqaluttuarpoq, naallu nassaarisartik oqaluttuarisaanermut sunniuteqarpallaarnavianngikkaluartoq nassaartik tupinnarnerarlugu.
