Illoqarfimmiut toqqissisimanissaat siunertaralugu nannunik nakkutilliisoqalersoq
Illoqqortoormiuneersoq Anders Albirk illoqarfimmi eqqaanilu ullaat tamaasa misissuisussartussatut Pinngortitaq pillugu Nunarsuaq tamakkerlugu suliniaqatigiiffiup WWF-ip sulisussarsiarisimavaa.
Illoqarfimmiut toqqissisimanerunissaat siunertaralugu taama aaqqissuussisoqarpoq, illoqarfimmiummi ullaakkut suliartuleraangamik meeqqallu atuariartuleraangamik nanorpassuit illoqarfimmut qaninngoortartut toqqissisimanartinneq ajorpaat.
Imminut illersorniarluni nannut aallaaneqannginnissaat tamatumani aamma pinngitsoortinniarneqarpoq.
AAMMA ATUARUK Imminut illersorniarluni nannut aatsaat taama amerlatigisut toqunneqartariaqarsimasut
Suliniummi siullertut septembarip naanissaata tungaanut nakkutilliisup illoqarfik nanoqarnersoq ullaat tamaasa nalunaaqutaq arfinermiit arfineq pingasut tungaanut misissortassavaa.
Sapaatip akunnerani kingullermi sisamanngormat Anders Albirk nannumik illoqarfimmut qanittunnguamiittumik naammattoorsigami qunusaarlugu qimaatissinnaasimavaa.
Aaqqissuussinermut peqatigitillugu Pinngortitaq pillugu Nunarsuaq tamakkerlugu suliniaqatigiiffiup WWF-ip illoqarfimmiut nannunik toqqissisimanngissuteqartarnerat minnerulersinniarlugu arlalinnik aamma suliniuteqarpoq.
Pinngortitaq pillugu Nunarsuaq tamakkerlugu suliniaqatigiiffik Nunavummi, Alaskami aamma Ruslandimi assingusumik suliniuteqartareerpoq.
