Illoqarfiit nutaanik imeqarfiliuuttariaqarnerarpai

Erngup mingutsinneqarnissaa ajornanngippallaaqimmat politikerit siunissamut isigalutik, innutaasut nutaanik imeqarfissarsiuuttariaqaraat, Avatangiisit illersorneqarnissaat pillugit peqatigiiffimmi Avatami siulittaasoq Mikkel Myrup oqarpoq.

- Imeqarfiit najugaqarfinnut qanittumiipput, illoqarfiillu alliartornerat ilutigalugu sanaartukkat imeqarfinnut qanilligaluttuinnarput, imeqarfiillu aqqutigineqartarnerat annertusigaluttuinnarluni, Mikkel Myrup oqarpoq.

Illiniliuutit Ilulissani imeqarfikkut ingerlaarsinnaanissaannut immikkut ittumik akuerineqarput.

Sisimiuni qamuteralaat, qimussit illiniliuutillu imeqarfimmi immikkut aqqusiuuneqarnikuupput.

Sisimiuni imeqarfimmi mingutitsisoqaraluarpat, tamanna Nukissiorfimmut akisoorujussuussasoq, immikkut ilisimasallit radioaviisimut oqarnikuupput.

Imeqarfik mingutsinneqaraluarpat allamiit imermik pissarsinissaq pisariaqalisssaq, tamatumalu kingunerissavaa Sisimiuni innutaasut imermik pilersorneqarnerat sivisuumik unitsinneqarallartoq.

- Immikkut ittumik akuersissuteqarneq aaqqigallarnerusarpoq, siunissami ungasinnerusumik atorneqarsinnaanngitsoq. Taamaammat inassutigerusuppara, illoqarfinni imeqarniarnikkut ajornartorsiorfiusuni nutaanik imeqarfeqalissasoq, Mikkel Myrup oqarpoq.

Illoqarfiit alliartortilluit imermillu atuisoqaleraluttuinnartillugu politikerit piumaffigineqarnerat alliartussaaq, taamaammallu politikerit suiunissaq ungasinnersoq maannangaaq eqqarsaatigisatiaqarpaat.

Taamaammalllu akisussagaluartoq, innuttaasut minguitsumik imissaqarnissaat anguniarlugu suluisoqartariaqarpoq.

- Aningaasarpassuit atorneqartariaqartut eqqartorparput. Kisianni tassa aningaasaliinissaq pisariaqarpoq, ajornartorsiummi milliartornavianngilaq, Mikkel Myrup oqarpoq.