KNR KNR-imi illit qinersinerit
- Qinersisoqartussanngorpoq, tassanilu KNR soorunami immikkut pisusaaffeqarpoq. Aallakaatitsivigut tamakkerlugit pissanganartunik aaqqissuussaqartillugit pisussaaffik tigussallugu piareersimavugut, KNR-imi pisortaaneq Jacob Abelsen oqarpoq.
Kalaallit qinigassaat marluusut aammalu qulequttat Kalaallit Nunaanni pissutsinut tunngasut KNR-ip immikkut qitiutissavai.
Katuami innuttaasunik ataatsimiisitsineq, qulequttat tunngavigalugit qineqqusaarluni oqallissitsinerit marluk aammalu partiit siuttuinik oqaaseqartitsinerit toqqaannartumik TV-iikkut takusinnaassavatit.
Marlunngornerit, sisamanngornerit arfininngornerillu tamaasa nutaarsiassat qingulliit qitiutillugit qineqqusaarnerit KNR Radiukkut tusarnaarsinnaassavatit, taavalu knr.gl-imi qinersinissamut tamanut tunngasut atuarsinnaallugit.
-Paasitinneqarnertik tunngavigalugu innuttaasut taasisinnaanissaat pingaartuuvoq. Isumaqarpungalu aaqqissuussinerput tamassumunnga periarfissiilluartoq, nutaarsiassaqarnermut pisortaq Mikkel Bjarnø Lund oqarpoq.
Unnuk qinersiviusoq Radiukkut, TV-iikkut web-ikkullu
Qinersinermi unnukkut aallaqqaataanit naggatissaanut KNR Radiukkut aamma knr.gl-ikkut malinnaasinnaavutit. Unnuup ingerlanerani taasissutit kisitsisertaannik kingullernik aammalu qinersinermik immikkut ilisimasalinnit paasissutissanik aallakaatitsivimmiittut malinnaasissavaatsit.
Radiukkut aallakaatitsivimmi qinersinerup unnukkorsiutiginera nutaatut KNR 2-kkut toqqaannartumik isiginnaarsinnaavat, taavalu Danmarkimit qinersinerup malinnaavigineqarnera KNR TV-iikkut aallakaatinneqassalluni.
Ulloq juunip 18. KNR-imi Folketingimut qinersineq
Juunip 13.: Nuummi Katuap isaariaani qineqqusaartitsineq (TV/R):
Nuuk, arfininngorneq juunip 13 nal. 14:00 – 15:45 (ka) & 16:00 – 17:45 (q)
Partiit tamarmik immikkut 2-nik sassartitsissapput suli marlunnik paarlaatsitsisinnaallutik. Paarlaannerit KNR-imit aqunneqassapput.
Katuami allagartarsuit: KNR’ip qinersinermi ilisarnaataa kisimi.
Juunip 10. & juunip 15.: TV-iikkut aallakaatitsivimmi qulequttat tunngavigalugit apeqqarissaarinerit 2 (TV/Radio)
TV: nal. 19:30 – 20:55 (k) 21:00 – 22:15 (q)
Partiit tamarmik immikkut aallartitaat 1.
Juunip 2., juunip 4., juunip 6., juunip 9. & juunip 11.: KNR Radio:
Radiukkut qineqqusaarnerit nal. 17:30 – 17:58 (k)
Partiinit aallartitat atassuteqarfigineqassapput.
Juunip 17.: TV-iikkut aallakaatitsivimmi partiit siuttuisa naggataartinneri (TV/Radio)
Nal. 19:30 – 20:45 (k) 20.50 – 21.50 (q)
Partiit siulittaasui peqataatillugit.
Juunip 18.: KNR1-ip DR1 nal. 16:00-imit aallakaatissavaa.
Juunip 18.: Unnuk qinersiviusoq KNR-radiukkut nal. 20:00 radiukkut aallakaatitsivimmi toqqaannartumik KNR 2-mi aallakaatitsisumik ataatsimik webkameralerlugu.
Immikkut ilisimasallit peqatigalugit qinersineq unnussiutigalugu qinersinerup inernerisa saqqummiunnissaannut folketingimullu qinigaasut naggasiutigalugit.
Qinersineq pillugu aallakaatitsinerit KNR2-kkut toqqaannartumik oqalutseqartinnissaat anguniarneqassaaq
Paasissutissanik annertunerusunik pissarsiniaruit attaveqarfigiuk KNR-imi pilersaarusiornermi pisortaq Niels Pavia Lynge npl@knr.gl imaluunniit TV-mi pisortaq Jan Berg jbe@knr.gl Oqarasuaat 36 15 00