Illissap paavatigut kræfteqalernissamut akiuussutissaq iluaqutaavoq
Tusagaq tamanna nuannersoq arnanut nunatsinniittunut Danmarkimiittunullu tunngassuteqarpoq.
Illissap paavatigut kræfteqalernissamut akiuussutissaq iluaqutaasimavoq.
Akiuutissap Danmarkimi inuppassuarnut iluaqutaasimanera, misissuissitsinerup siulliup tamanna taktippaa.
Danmarkimi arnat nivissallu tuusintilippassuit kinguaassiuutitigut atoqatiginnikkut HPV-virus-imut tunillatsinnissamut 2008-mili akiuussutissamik kapineqarput. HPV -virus illissap paavatigut kræfteqalissuutaasinnaavoq.
Akiuussutissaq iluaqutaavoq, napparsimmavissuarmi Rigshospitalimi professori Susanne Krüger, taama oqaluttuarpoq, Danmarkimi kræftemut akiuniarluni suliniaqatigiiffimmi Kræftens Bekæmpelse -mi atorfeqartoq.
HPV-imik tunillatsinnissamut akiuussutissaq ukiut tallimat arfinillillu matuma siorna atorneqalernerata kingorna sananeqaatini allanngornerit annikilliartorput taakkua ilissap paavatigut kræfteqalissutaasinnaapput, Susanne Krüger oqarpoq.
Arnat niviarsiaqqallu 1989-ip 1999-illu akornanni inunngorsimasut misissisuisitsinermi misissorneqarput. Misissuisitsinerup takutippaa akiuussutissamik kapitissimasut illissap paavatigut kræfteqalernissamut aallarniutaasartut ikinnerujussuanngorsimasut.
- Kræfteqalernissamut allarnisaataasartut 40-t 80-illu akornanni ikileriarsimapput, Susanne Krüger Kjær oqarpoq.
- Akiuussutissaq taamatut ittoq iluaqutaasimavoq, Susanne Krüger Kjærillu isumaa malillugu - arnat illissap paavatigut kræfteqalernissaminnut siunissami ernumassutissariaqanngillat.
- Illissap paavatigut kræfteqalertarneq nungulluinnarneqalersoq kisitsisit takutippaat, professori oqarpoq.
Nunatsinni niviarsiaqqat aqqaneq marlunnik ukiullit HPV-mut akiuussutissamik 2010-miilli tunineqarsinnaanerinik neqeroorfigineqarput - meeqqat nappataannut akiiuussutissamik tunniussinerinut atatillugu.
Niviarsiaqqat 13-init 15-inut ukiullit 2010-mi akiuussutissamik kapineqarsinnaanerinik periarfissinneqarput.
Nunatsinni nakorsaanerup Flemming Stenzip nalunaarutigaa, Danmarkimi misissuisitsinerup assinganik nunatsinni misissuisoqarsimanngitsoq.
Arnalli tamarmik akiuussutissamik kapitinnissaannik Peqqinnissaqarfimmiit erseqqissumik innersuussutigineqarpoq - tamannali akeqartoq nunatsinni nakorsaaneq Flemming Stenz oqarpoq.