Illersornissaqarfiup Issittumi suliaqarnera nikittorsarneqalersoq

Issittoq pillugu nalunaarusiami, danskit naalakkersuisuinit ataasinngorpat saqqummiunneqartussatut naatsorsuutigineqartumi, kaammattuutigineqartut malillugit tamanna pissasoq, aviisi Jyllands-Posten ullumi taama allaaserisaqarpoq.

Qaammataasat atorlugit nakkutilliinermut, attaveqaqatigiinnerup pitsanngorsarnissaanut, umiarsuit amerlinissaannut Issittumilu sakkutooqarfiup ataani Nunatsinni hjemmeværninik pilersitsisoqarnissaanut annertuumik aningaasaliisoqarnissaa nalunaarusiami kinguaattoorutigineqangaatsiartumi ilaatigut kaammattuutigineqarpoq.

Aamma atuaruk Issittumi kajumissutsimik upajungaarsimasoqarnissaq danskinit taperserneqarpoq

Nalunaarusiallu ataasinngorpat saqqummiunneqannginnerani kaammattuutigineqartut Christiansborgimi amerlanerussuteqartunit tapersersorneqartut takuneqarsinnaalereerpoq.

Nunanut allanut tunngasunut ministeriusimasup maannalu Kalaallit Nunaannut tunngasunut oqaaseqartarsuusup De Radikaleneersup Martin Lidegaardip Jyllands-Postenimut oqaatigaa Issittumi Illersornissakkut suliaqarnerup annertusarnissaanut isumaqatigiinniarnerni Nunatta Savalimmiullu peqataatinneqartariaqartut.

Socialdemokraatit aamma Dansk Folkeparti nalunaarusiami kaammattuutigineqartut aamma malinnissaannut piareersimapput.