Tusagassiuut: Illersornissaqarfik nunatsinni sakkutooqarfinnut aningaasaleerusuppoq
Illersornissaqarfik nunatsinni timmisartunut mittarfeeqqani aningaasaleerujussuarusuppoq.
Altinget Arktis Illersornissaqarfiup qullersaqarfiani allatugaatit annittuukkat tunngavigalugit taama allappoq.
Illersornissaq pillugu napeqatigiissutissap Folketingimi oqaloqatigiissutigineqaleruttornerani allattugaatit annittoorneqarput.
Mestersvigimi, Station Nordimi Daneborgimilu koruunit milliardip affai atorniarneqarput.
Taava aamma Issittumi Sakkutooqarfiup Nuummi qitiusumik allaffia taassumalu Københavnimi allaffia Issittumi sakkutuulersornermut pilersaarusionermi qitiusoqarfiussasut, tusagassiuut allappoq.
Illersornissaqarfiup qullersaqarfiata Issittumi sulianik naammassinnilluarsinnaanerunissaq aamma kissaatigaa.
Kangerlussuarmi sakkutuujunngitsut mittarfiat Illersornissqarfiup atorsinnaaniassammagu aamma 1,6 millirdit koruuninik atuiffigineqassaaq.
Sirius-Patruljen 2032-mi 51 milliuunit koruuninik aningaaaliifigineratigut periarfissaqarnerulissaaq.
Umiarsuilli nakkutilliiissutit ukiunit 30-nit amerlanerusunik pisoqaassusillit taarserniarneqappasinngikkallarput.
Umiarsuit koruunit milliardinit amerlanerusut atorlugit aserfallatsaaliorlugit ukiuni 15-ini suli angalassapput.
Umiarsuit taakkua atuuffissartik qaangereeraat sakkutuut imasiortuneersut takkualu qullersarisimasaata Niels Wangip erseqqissareernikuuaa.
7 milliardit koruunit atorlugit sakkutuut umiarsuaannik, Issittumi angalasinnaasunik, aatsaat 2031-mi sanatitsinissaq, illersornissaqarfiup kissaatigaa.