Coronavirusi siunissami tunilaassuunnerulerumaartoq, aammali navianarpiarunnaassasoq, Københavns Universitetimi professorip Allan Randrup Thomsenip ilimagaa.

Ilisimatuut Islandimi coronavirusi 40-nik allanngortunik kinguaassisimasoq paasigaat

Coronavirusip tunillaassuunnerulernissaa, aammali navianarpiarunnaarnissaa ilimanarpoq. Professori taama naliliivoq.

Coronavirusi allanngortunik kinguaassisarpoq. Taamaalioqattaarsinnaallunilu.

Ilisimatuut Islandimiinnaq coronavirusi 40-nik allanngortunik kinguaassisimasoq paasereeraallu tamanna qularnarunnaarpoq. Danmarkimi aviisit ilaat Information taama allappoq.

Islandimi peqqissutsimut oqartussat, suliffeqarfik namminersortoq kingornuttakkerinermik sulialik Decode Genetics suleqatigalugu, inuit 10.000-ngajaat coronavirusimik tunillanneqarsimasinnaanerannik misissugassamik tigusiffigaat.

Islandimi 40-nik allanngortunik kinguaassisimasoq

- Islandimiinnaq coronavirusi 40-nik allanngortunik kinguaassisimasoq paasivarput, Decode Geneticsimi pisortaq Kári Stefánsson Informationimut oqarpoq.

473-it coronavirusimik tunillanneqarsimasutut Islandimi nalunaarsugaapput.

Islandimi peqqissutsimut oqartussat coronaviruseqarnermik ersiutillit, napparsimasut coronaviruseqalernissamulluunniit ilimanaatillit tamaasa misissugassamik tigusiffigaat.

Coronavirusi allanngortunik kinguaassilertortartoq

Islandimi coronavirusip suminngaanneersuunera aamma paasineqarpoq. Islandimiut tunillanneqarsimasut ilaat Østrigimi, allat Italiami amerlanngitsullu Tuluit Nunaanni tunillanneqarsimapput.

Københavns Universitetimi professorip Allan Randrup Thomsenip, Islandimi coronavirusip allanngortunik kinguaasseqattaarsimanera, tupaallaatiginngilaa.

- Coronavirusip allanngortunik kinguaasseqattaartuusinnaanini ilisimaneqaatigaa. Kinamiut tamanna pillugu nalunaarusiaat takusareerpavut. Professori Informationimut taama oqarpoq.

Tunillaassuunnerulerumaartoq - navianarpiarunnaassasorli

Coronavirusi siunissami tunilaassuunnerulerumaartoq, aammali navianarpiarunnaassasoq, taassuma ilimagaa.

Coronavirusip allanngortunik kinguaassisarneranik paasisat nualluutip taassuma nunarsuarmi tamarmi akiorniarneranut iluaqutaajumaartut, Islandimi peqqissutsimut oqartussat nalilerpaat.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7701
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 23-at 2020 nal. 10:45