Ilisimatusarfimmi inatsisilerituutut ilinniartoqarsinnaalersoq

Inatsisilerineq, pisortallu inatsisaat pillugu ilinniartitaaneq nutaaq Ilisimatusarfimmi aallartinneqarsinnaanngorpoq, bachelorinngortoqarsinnaalissalluni.
Assi © : Blogtrepreneur/Flickr Creative Commons
Allattoq Thomas Munk Veirum
januaarip 10-at 2018 09:42
Nutserisoq Mads Lynge

Ilisimatusarfiup nittartagaani tamanna atuarneqarsinnaavoq.

Inatsisilerituutut nunatsinni sulerusuttut Ilisimatusarfimmi ilinnialersinnaassapput:

- Inatsisit malittarisassallu assigiinngitsut ulluinnarni atorpavut, pisortani inuiaqatigiinnilu. Taamaammat inatsisilerituut nunatsinnut pingaaruteqarput, inatsisit malittarisassallu pillugit oqaasertaliussat allassinnaasariaqassavaat paasisinnaassallugillu, nunatta ineriartorneranut iluaqutaasumik sulisinnaanissaat pingaaruteqarluni, Ilisimatusarfik inatsisilerineq pisortallu inatsisaat pillugu ilinniartitaaneq pillugu taama ilaatigut allaaserisaqarput.

Ilinniartitaanermut qinnuteqartoqarsinnaalereerpoq, Sullissivik.gl aqqutigalugu, najukkamiluunniit Majoriaq aqqutigalugu pisarneq malillugu qinnuteqartoqarsinnaalluni.

Inatsisilerineq pisortallu inatsisaat pillugu ilinniartitaaneq pillugu annerusumik paasisaqarusukkaanni Ilisimatusarfiup nittartagaani paasiniaasoqarsinnaavoq, suliffissaqarnikkullu periarfissat aamma paasiniarneqarsinnaallutik.

 

Aamma atuaruk