Ilisimatusarfik nutaamik pisortartaarpoq
Kalaallit Nunaanni Ilisimatusarfimmi pisortaq Estrid Janussen paarlallugu Mette Barslund pisortanngussaaq.
Mette Barslund Niuernermik Ilinniarfimmi 1996-imili pisortaasimavoq. Taanna Århus ledelsesakademimi pisortassatut ilinniarnikuuvoq, ilaatigullu Ilisimatusarfimmi HD(O)-mi ilinniartut ilinniartittarnikuullugit.
- Mettep toqqarneqarneranut pissutaapput, Nunatsinni ilinniartitaanermut aaqqissuussaaneq pillugu annertuumik ilisimasaqarnera, allaffissornikkut pisortatullu piginnaasai kiisalu inuiaqatigiit kalaallit akornanni inissilluarsimanera, taamatut Ilisimatusarfiup siulersuisui tusagassiuutitigut nalunaarumminni allapput, pisortarlu tunuartoq qutsavigalugu.
Mette Barslund atorfittaamini aggustip sisaamani aallartissaaq.