COP24 Ilisimatooq: Silap pissusia pillugu ataatsimeersuarnermi angusat pakatsinarput

Parisimi isumaqatigiissummi anguniakkat qulakkeerneqarnissaannut malittarisassat assigiinngitsut, ataatsimeersuarnermi peqataasut 25.000-it nunarsuarmi tamarmeersut sapaatip-akunnerini kingullerni marlunni isumaqatigiinniutigisimavaat.

Silaannaap annerpaamik gradinik marlunnik ukioq 2100-uutinnagu kiatsissimanissaa Parisimi isumaqatigiissummi anguniarneqarpoq. Kisianni:

AAMMA ATUARUK Verdensbanken silap pissusinut suliniutit pillugit sakkortuumik oqaaseqartoq

Naalagaaffiit Peqatigiilli Katowicemi ataatsimeersuartitsinerani angusat maannamut annikitsuinnaapput. Hans Joachim Schellnhuber, silap pissusia pillugu immikkut ilisimasalik, isornartorsiuilluni ilaatigut oqarpoq.

Nunat assigiinngistu CO2-mik aniatitsinermik annikillisaaniarlutik suliniutaat taassuma amigarnerarpai:

- Iliuuseqanngippallaarneq sianiitsuliorneruvoq. Nunat ataatsimut isigalugit iliuuseqanngilluinnarput. Nunarsuannguakkulupput piuneerutsilerparput, Schellnhuber oqarpoq.

AAMMA ATUARUK Sila pillugu ajornartorsiutivut aqagu nalaassinnaavasi

Naalagaaffiit Peqatigiit silap pissusia pillugit ataatsimeersuartitsisarnerat isumaarukkaluttuinnartut taanna isumaqarpoq:

- Silap pissusia pillugu taamatut ataatsimeersuartitsisarnerit atorneruukkiartuinnarput. Katowicemi ataatsimeersuartoqarnerani unittooqqaneq pakatsinarpoq, immikkut ilisimasalik oqarpoq.

Silap pissusia pillugu ataatsimeersuartarnerit siullersaanni 1995-imi peqataaqqaaramili peqataajuaannarsimavoq.

- Silap pissusia pillugu ataatsimeersuartarnerni kingullerpaamik peqataagunarpunga, siuliinisummi pisoqartutut isikkoqarpoq. Kikkut tamarmik iliuuseqarusuttutut isikkoqarput, sukataaruteqarniarpasillutik. Ilumoortuali tassaavoq alloriarnerit maannamut annikitsuinnaasimasut, Schellnhuber oqarpoq.

AAMMA ATUARUK Silap pissusiata allanngoriartornera innuttaasut ernumanartoqartikkaat