Ilisimasanik aallerfittaassaq inatsisinik nassuiaatitaqassaaq
Qaqugu siusinaarlutik suliunnaarnersiuteqarsinnaassavit? Innuttaasutut tamakkua paasisaqarfigerusukkukkit sukkasuumik ajornanngitsumillu kommuneni sulisunit tamanit ukioq naatinnagu paasitinneqarsinnaanngussaatit.
Inunnik isumaginninnermut pillugit inatsisit paasiuminarsakkat nassuiaataat imaasiallaannaq qarasaasiakkut kommuneni sulisunit novembarip aallaqqaataata nalaani paasineqarsinnaanngussapput, tamannalu pitsanngorsaataalluassasoq, Suliniutinut aqutsisup Hans Christian Sværd oqarpoq.
- Nunaqarfinni illoqarfinnilu tamani Inunnik isumaginnitseqarfinni siunnersortitut ilinniarsimanngikkaluartulluunnit paasissutissanik tunioraasinnaanngussapput.
Periuserlu taanna atorlugu paasissutissat meeqqanut tunngasut, kulturimut, akileraartarnermut teknikkimulluunnit attuumassuteqarsinnaasut qarasaasiaq atorlugu innuttaasut pitsaasumik sukkasuumillu ukiup tulliata ingerlanerani sullinneqarsinnaanngussapput, Hans Christian Sværd oqarpoq nangillunilu:
Inatsisit inatsisartunit nutarterneqarlutillu siunissami allanngortinneqaraangasa allannguutaat nutarterneqartalissapput.
Qarasaasiakkut immersukkat naammassippata ukiup tulliani ingerlanerani innuttaasut nammineerlutik paasissutissanik qarasaasiakkut paasiniaasalernissaat siunertaavortaaq.