Ilinniartut: isumatsinnik allanngortitsiniaaneruvoq!

Oqarluaannaraanni, tassa isummanik allanngortitsiniaaneq! Pia Vedel Ankersenip Ilisimatusarfiup ingerlatsinermut instituttianut pinngikkallarmat, tassani ilinniartitsineq ilinniartunit taama taaneqarpoq.

Taamaammat ilinniartitsisup taamaatinnissaa ilinniartut ajuusaarutigaat, qangatullu illuinnaasiortumik ilinniartitsisoqaqqilernissaa taakkua aarleqqutigaat.

- Allaaserisarpassuit liberalismemut tunngasut tamatumunngalu teoretikererpassuit, ilisimasaqarfigisariaqaraluakkakka, Pia Vedel Ankersen tikinngikkallarmat ilisimasaqarfiginngilakka, Lone Rosengren Pedersen oqarpoq.

Ingerlatsinermut instituttimi ilinniakkamut aalajangersakkani naalakkersuineq pillugu ilisimatusarnermik ilinniarnermut siunertaagaluarpoq, teorinik periaatsinillu tamatigoortunik sukumiisumillu ilinniartut paasisimasaqalernissaat isumagineqassasoq.

Kisianni Pia Vedel Ankersen tikinngikkallarmat assersuutigalugu liberalisme pillugu ilinniartinneqarsimanermik Lone Pedersen eqqaamasaqanngilluinnarpoq, taassumalu aarleqqutigaa, illuinnnaasiortumik atuagassinneqartaleqqissallutik.

- Aarleqqutigaara, qangatut ilinniartinneqaqqilissalluta, saamerliuniat allaaserisaannik illersuisumik isummatsinnik allanngortitsiniaanerusumik. Tassalu atuagassagut allanngorartuujunnaassasut aarleqqutigaarput, Lone Pedersen oqarpoq.

Inuiaqatigiinni ajornartorsiutinik pingaarutilinnik ilinniartut nammineerlutik paasiniaaqqissaarsinnaalernissaat ilinniartitsinermi aamma anguniagaavoq.

Pia Vedel Ankersen ilinniartitsilinngikkallarmat Hanne Rasmussen taama pisinnaasaqalernissamik ilinniartinneqarsimanermik eqqaamasaqanngilaq.

- Ingammik isummmat tunngavigisaasut sammileraagatsigit illuinnaasiorluinnarsorilersarpakka. Tassa misigisarakku, atuakatsinnut tunngatillugu uagut nammineq isummatsinnik aniatitsinissamut periarfissinneqarneq ajortugut, ilinniartitsisut isumaat aalajangiisuusarlutik, Hanne Rasmussen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat