Ilinniartitsisoq: Timersornermik atuartitsinerit naammapput
Atuartitsissutigineqartartut soorlu kalaallisut qallunaatullu sapaatip akunneranut akunnerit 25-it 30-it atuartitsissutigineqartarput, taamaattumik Atuarfik Kilaaseeqqami timersornermik atuartitsissutigineqartartut akunnerit marluk Edvard Ostermann Egedemit naammagineqarput.
Meeqqat pualavallaartut atuarnerminni atuakkaminnik aallusserpiarneq ajortut peqqissutsimik ilisimatooq Christina Warrer Schnohr oqarpoq.
- Meeqqat nukillaangasutut pissusillit, timimikkut qasujaallisarsimanngitsut, atuarnissaminnut kajuminnerat annikinnerusarpoq, Edvard Ostermann Egede oqarpoq.
- Nunatsinni atuarfinni ilinniartitsisut timersornermut atuartitsisinnaasut ikittunnguupput, taamaattumik naammattunik atuartitsinnaasunik peqarani. Inuusuttut arlaqartut Danmarkimi Idrætshøjskoleni atuariartortarput, taakkualu atuarfinni timersornermik atuartitsisinnaapput, timersornermillu siunnersuisartuusinaallutik, Edvard Ostermann Egede isumaqarpoq.
Meeqqat, timersornermik soqutigisaqartunik angajoqqaallit timersornermik soqutigisaqarajuttarput. ilaqarpulli namminneq soqutigigamikku timersornermik aallussisut.
- Meeqqat atuarnerminni taquassaannik tuninagit aningaasanik tunineqartarput, taakkualu peqqinnanngitsunik pisissutigisarpaat, Edvard Ostermann Egede oqarpoq, erseqqissarpaalu atuartut timersornermik soqutisaqalernissaannut atuarfik kisimi akisussaatinneqarsinnaanngitsoq.