Ilinniartitaanermut Naalakkersuisoq: Kalaallit Illuutaasa akisussaaffik tigussanngilaat
- Taassuma saniatigut oqarusuppunga, ajornartorsiut tamanna Kalaallit Illuutaannit akisussaaffigineqarnissaa isumaqatiginnginnakku, tassa tamanna Nunatsinni aaqqissinnaasariaqarparput, taamaaliluta ilinniartuutitta meeqqat atuarfiinit aninnginnerminni danskisut tuluttullu ilikkareersimallutik ingerlaqqittarnissaat angussagatsigu.
Ilinniartitaanermut Naalakkersuisoq, Nivi Olsen, Demokraatit taama oqarpoq.
Aamma atuaruk Kalaallit Illuini pisortat: Inuusuttuaqqat ilinniartut danskit oqaasiinut pikkorlupput
Aalborgimili Kalaallit Illuutaanni pisortap, Søren Stachip oqaatigaa, siunissaq qaninnerusoq isigalugu, Kalaallit Illuutaanni danskisut ilinniartitsisoqartalerpat tamanna inuiaqatigiinnut akikinnerussasoq.
- Kusananngilaq inuusuttuaqqat Danmarkimi ilinniarnerminnik aallartitsigunik isaasalerlugu, "ajorsareerlutik" aallartittarnissaat, tamanna inuttut akisunaarsinnaavarput aamma inuiaqatigiinnut siunissaq ungasinnerusoq isigalugu akikinnerussaaq inuusuttuaqqat iluamik piareersariarlugit ilinniagassaannut ingerlateqqittarlugit, Søren Stack oqarpoq.
Siunissaq qaninnerusoq isigalugu tamanna atorluarneqarsinnaasoq, Ilinniartitaanermut Naalakkersuisoq oqarpoq.
- Sukkasuumik qanoq iliuuseqassagutta tamanna akuersaarsinnaagaluarpara, kisianni qaammatit pingasuinnaat atorlugit danskisut ilinniartitsisarnissaq akuersarsinnaanngilara. Uanga isumaqarpunga ajornartorsiut tamanna aaqqinneqartariaqartoq, meeqqatta meeqqerivinniit meeqqat atuarfiinut ikaarsaannginneranni oqaatsitsigut piginnaasaannik pitsaasunik sakkulereerlugit ingerlaqqittarnissaat uangut nammineerluta akisussaaffigigutsigu.
Ilinniartitaanermut Naalakkersuisoq, Nivi Olsen, Demokraatit taama oqarpoq.
