Tjele EfterskoleAssi: Tjele efterskole

Kalaallit Illuini pisortat: Inuusuttuaqqat ilinniartut danskit oqaasiinut pikkorlupput

Kalaallit inuusuttuaqqat Danmarkimi efterskoleni ilinniarfinnilu allani atuartut, danskit oqaasiinut pikkorluppallaarnerisa kinguneranik ilinniarunnaartartut amerligaluttuinnarneri, Danmarkimi Kalaallit Illuisa pisortaasa, Ilinniartitaanermut Naalakkersuisumut Nivi Olsenimut ammasumik allakkaminni piumasaraat tamanna qanoq iliuuseqarfigineqassasoq.

Danmarkimi Kalaallit Illuini ilinniartunut siunnersortit inuusuttuaqqanik oqaloqateqartarnerminni, taakku danskisut oqalunnermik pikkorluppallaarneri ukiuni kingullerni ajornartorsiutaalersimasoq paasivaat.
 
Tamanna tunngavigalugu Danmarkimi Kalaallit Illuini pisortat sisamat, Leise Johnsen, Kirsten Mærsk, Jørn Holbeck aamma Søren Stach, Nunatsinni Ilinniartitaanermut Naalakkersuisumut Nivi Olsenimut ammasumik allagaqarnerminni oqaatigaat, ilaatigut oqaatsitigut ilinniaqqissinnaanermut periarfissat, massakkut inatsisiusunit akimmisaartinneqartut.

- Oqaatsitigut ilinniaqqissinnaanerit Danmarkimi periarfissaapput, taakkulu atorluarnerusariaqarput ilinniartut ilinniakkaminnik pitsaanerusumik angusaqartalissappata, Kalaallit Illuini sisamaasuni pisortat ilaatigut taama allapput imalu nangillutik.
 
- Nunatsinni ilinniartitaanermut inatsit massakkutut iluseqartillugu, inuusuttuaqqat danskit oqaasiinut pikkorinnerulerusuttut Namminersorlutik Oqartussanit tapiiffigineqarsinnaanngillat, pisortat allapput.
 
Taakku ilanngullugu aamma allapput, inuusuttuaqqat Danmarkimut aallartinnatik imaluunniit Danmarkimut tikitsiaannarlutik, danskisut oqalunnermik ilinniartinneqartalersuuppata, ilinniartut katataasartut siunissami ikinnerulissagaluartut.

Aamma atuaruk Oqaatsitigut ilinniartitaaneq pillugu oqallinneq naalakkersuisup nuannaarutigaa

Aamma atuaruk Meeqqat atuarfiat isumakuluutigaa

Danmarkimi ilinniartunut tamanut piumasaqaatit qaffakkiartornerisa pilersitaanik, kalaallit ilinniartut siunissami katataasut suli amerleriarnissaat, Kalaallit Illuini pisortat annilaanngatigalugu, Ilinniartitaanermut Naalakkersuisunut ammasumik allakkaminni naggasiutigaat.

Ilinniartitaanermut Naalakkersuisup, Nivi Olsenip Kalaallit Illuini ilinniartunut siunnersortit ullaatungaa ataatsimeeqatigai paasiniarlugu sunarpiaq ajornartorsiutaanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat