Ilinniarnerit naammassipput - ullumikkullu nalliuttorsiutigineqassapput

Ilinniartitaaneq - ilinniartitaaneq aamma ilinniartitaaneq. Nunatsinni ukiuni makkunani pingaartillugu oqaasinnaarineqarpoq. Taamaattumik Ilisimatusarfimmi kandidatit tallimat aamma bachelorit 23-t ullaap tungaani persuarsiornartumik allagartartaartinneqarnissaat nalliuttorsiutigineqassaaq.
Allattoq Elisa Isaksen
februaarip 22-at 2013 07:23

Kandidatit tallimat ukiuni tallimani ilinniarnertik naammassivaat, bachelorinngortullu 23-usut ukiuni pingasuni ilinniarnertik naammassillugu.

- Ullumi allagartartaartut ilinniarnerminni inerisimallutik tunniusimallutillu ilinniartuupput, inuiaqatigiinnilu iluaqutaalernissaat qularutissaanani, inuusuttummi ilinniagaqarsimasut atorfissaqartinneqaqaat, Institutimi pisortaq Klaus Georg Hansen Radioavisimut oqarpoq.

Soraarummeerutissatut suliarineqartut assigiinngitsorpassuarnut tunngasuupput - soorlu KNR-ip kalaallisut aallakaatittagaannut tunngasut, suliniutinut angisuunut tunngasut aamma Nunatta namminersulivinnissaannut eqqarsaatit, nipilersortartup Ole Kristiansenip erinarsugai, Nunatsinni arnat angutillu naligiissitaanerat kiisalu Kalaaliaqqamut tunngasoq - qulequtaralugu "inuiaqatigiit iluanni inuiaqatigiit".

Persuarsiornartumik nalliuttorsiualaarneq ullaap tungaani qulinut pissaaq, ilinniartut naammassisut ilaqutaannit najuuffigineqassalluni, ilaat meeqqamik allagartartaarnissaannut sinerissamit najuukkiartortut najuuttoralugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq