Ilinniarneq

Ilinniagaqartut akornanni ikiaroornartumik atornerluineq eqqumaffigisariaqarpoq

Ilinniagaqartut akornanni ikiaroornartumik atornerluinerup ajornartorsiutaanera, iliuuseqarfigineqartariaqartorlu, Imarsiornermik Ilinniarfiup pisortaata Jeppe Carstensenip, KNR-imut ippassaani pingasunngornermi ilaatigut oqaatigaa, taamatullu oqarnera Ilinniartitaanermut Naalakkersuisumit Nivi Olsenimit tapersersorneqarpoq eqqumaffigineqartariaqarnerarlugulu.

Allattoq Jonas Fievé

oktobarip 16-at 2015 06:57

Nutserisoq Mads Lynge

- Uanga isumaqarpunga pingaaruteqartoq ajornartorsiut atuuttoq nassuerutigissallugu, oqallisigissallugulu. Taamaattumik uanga Imarsiornermik Ilinniarfiup pisortaanut Jeppe Carstensenimut oqaatigereerpara suliniut aallartinneqartoq tapersersorakku, tamannalu oqaluuserereerparput, Ilinniartitaanermut Naalakkersuisoq Nivi Olsen, tusagasiuutinut nalunaarummi ilaatigut taama allaaserisaqarpoq.

AAMMA ATUARUK Ilinniartut ikiaroornartumik atuivallaarnerat nutaarsiassaanngilaq

Ilinniagaqartut ikiaroornartunik atornerluisarnerannut atatillugu Imarsiornermik Ilinniarfiup imarsiornermilu inuussutissarsiummik ingerlatsisut Imarsiornermillu Ilinniarfimmi siulersuisut akornanni oqaloqatigiittoqarsimanera, Ilinniartitaanermut Naalakkersuisup nuannaarutigaa, suliniutillu assigiinngitsut pioreersut nukittorsarneqarnissaat naalakkersuisunit eqqummaaffigigaa, taanna oqarpoq:

- Naalakkersuisoqarfimmi maanna siunnersuusiorpaa qanoq aaqqissuussinitsigut atornerluinermut sammisumik suliniutit nukittorsarsinnaanerigut, atornerluineq ikiaroornartumut hashimut, imigassamut allamulluunniit sammisuunersoq apeqqutaatinnagu, Nivi Olsen oqarpoq.

Aamma atuaruk Ikiaroornartumik atuinerujussuaq Ilinniarfiup ittuata iliuuseqarfigeqquaa