Ilinniartut ikiaroornartumik atuivallaarnerat nutaarsiassaanngilaq
Ilinniartut ikiaroornartumik atuivallaarnerarlugit oqalunneq Imarsiornermi ilinniarfimmi angallammi naalaganngorniaq Per Ringstedip tupaallaatiginngilaa.
- Ilinniarfiup ittuata allagarisaa avammullu saqqummiussaa isumaqatigaarput, Per Ringsted KNR-imut oqarpoq.
Aamma atuaruk Ikiaroornartumik atuinerujussuaq Ilinniarfiup ittuata iliuuseqarfigeqquaa
Imarsiortutut ilinniagaqarluni ikiaroornartumik atuisuuneq akuersaarneqarsinnanngitsoq taanna isumaqarpoq.
Akuersaarneqarsinnaanngilaq atugarineqarmat, pissutigalugu avalakkutta sillimaniarneq siullerpaarpaajusussaagami. Taamaammat akuerisinnaanngilarput tamanna atugarineqartoq inuk pineqarmat sillimaniarnermi taavalu inuutissarsiut sakkortuupilussuugami.
Ilinniarusuttunut piumasaqaatit sukaterneqarnerisigut ajornartorsiut qaangerniarneqarsinnaasoq aamma isumaqarpoq.
- Nunatsiini maleruagassanik imaluunniit inatsisinik sakkortusaasoqartariaqarpoq, Imarsiornermi ilinniarfimmi ilinniartoq Per Ringsted oqarpoq.
