Ilimagineqareersut ajugaapput

Arnani SAK Sisimiuneersut, Kâgssagssuk-miunut Maniitsuminngaaneersunut unammimmata SAK 37-nik isertitaqarluni ajugaavoq, Kâgssagssuk-miut 21-nik isertitaqartut.
Arnani Nûk Nuummingaaneersoq Nagdlúnguak-mut Ilulissaninngaaneersumut unammigami 36-nik isertitaqarpoq, Nagdlúnguak-miut  14-inik isertitaqarlutik ajorsartut.  
GSS-ip Nuumminngaaneersup arnartai, K-33-mut Qaqortuminngaaneersumut unammigamik ajugaarujussuarput, 46-nik isertitaqaramik, K-33 aqqaneq-marlunnik isertitaqartoq.

Angutit unammineranni Nagdlúnguak K-33-lu unammimmata Nagdlúnguak 40-nik isertitarluni ajugaavoq, K-33 25-nik isertitaqartoq.
Nûk Nuumminngaanersup angutitai, S-68-ermiunut Sisimiuninngaaneersunut unammigamik 34-nik iseritaqarlutik ajugaapput, S-68 22-nik isertitaqartoq. Unamminerup immikkoortuani siullermi S-68 13-inik iserititaqarluni siuaqqagaluartoq.
Assammik arsarluni pissartanngornerninnerit "GM Banknordik"-ip ulluisa aappaanni unamminermi GSS-ip angutitai  SAK-p angutitaanut unammipput. Tassani GSS 29-nik isertitaqarpoq, SAK 22-nik isertitaqarluni ajorsartoq.