Ilaqutariinnut sullissivik kajumissaaserneqarpoq
Ilaqutariinnut sullissivik, B2, Tasiilamiittoq, kajumissaammik 5.000 koruuninik aningaasartalimmik, Namminersorlutik Oqartussanit tunissutisivoq.
Allattoq Louise M. Kleemann
- Inunnik sullissigaanni qanilaarnissaq inuillu misigissusaannut, sorsuutaannut ineriartornerannullu paasinnittuunissaq pisariaqarpoq. Ilaqutariinnut sullissiviup ukiorpassuit ingerlaneranni ilaqutariit ajornartorsiuteqartut qanimut sullitarai, taamaalillutillu sullissinermi ilisimasatigut ineriartortitsisimalluni, Isumaginninnermut Naalakkersuisoq Maliina Abelsen kajumissaammik tunniussinerminut tunngavilersuummini taama oqarpoq.
Sermersooq.gl-imi allaaserineqartoq naapertorlugu kajumissaat sapaatip akunnerata tulliata ingerlanerani apuuffissaminut apuutissangatinneqarpoq.