Ikuallattoq NASAmit nakkutigineqartoq

NASA-p qaammataasiaata ikuallattoq Sisimiut avannaata kangiani 150 kilometerisut ungasitsisumiittoq assilisimavaa taakkulu nittartakkaminnut www.nasa.gov-imut ikkussimavaat.

NASA-p aamma paasissutissiissutigaa suleqatigisami hollandimiut suliffeqarfiutaata Delft University of Technologyp oqaatigigaa Kalaallit Nunaanni 2017-imi nunami ikuallannerit qaammataasiap 2002-imili paasissutissanik nalunaarsuilerneranit aatsaat taama amerlatigisut.

Nunatsinni nunami ikuallannerit ukioq kingulleq amerlassusaat ukioq manna pingasoriaataanik amerlanerusut, Delfuniversitetiminngaanniit titartakkap takutippaa. 2015-imilu nunap ikuallannerata amerlanerpaaffigisaata marloriaatigigaa aamma takuneqarsinnaavoq.

Paasissutissiissutigineqarportooq europami nunani nunap ikuallaneri aamma aatsaat taama amerlatigisut.

AAMMA ATUARUK Nassuttuumi nuna ikuallattoq

AAMMA ATUARUK Sisimiut pinngortitami ikuallannermit eqqugaasoq

AAMMA ATUARUK Nassuttuumi ikuallannerup aavarnissaq akornuseraa