Ikuallannersuup kingorna inissiat tallimat najugaqarfigineqarsinnaanngikkallartut

Qatserisartut blok 6-imut apuummata inissiap, init quleriit pingajuanniittup, ikuallannera ima sakkortutigaaq inissiami najugaqartut arlallit qimarngunneqartariaqarlutik.

- Inissiaq ataaseq tamakkiisumik atorsinnaajunnaarpoq. Inissiat katillugit najugarineqartut tallimat inuttai hotelimut inissinneqarput, inissiaatileqatigiiffimmi INI a/s-imi attaveqarnermut pisortaq Else Løvstrøm, KNR-imut oqarpoq.

Aamma atuaruk Nuummi unnuaq ikuallarujussuartoqartoq

Imaluunniit video uani takujuk

Naneruut ikumasoq ikuallannermut aallarniutaasimasoq politiinit ilimagineqarpoq. Taakku ilisimatitsipput, blokkimi inissiani ineqartut qulit putsumik iioraasimanersut misissorniarlugit Dronning Ingridep napparsimmavissualiaanneqartut. Peruluttoqanngitsorli politiit erseqissaapput.

Blok 6-imi inissiat tallimat suliarineqartinnatik najugaqarfigineqarsinnaanngikkallarput, najugaqartullu arlallit inissiani INI-p inissiaataasa ilaannut inissikallassanersut ullumi nalilersorneqarpoq.

- Inissiat tallimat eqqugaapput, allanillu eqqugaasoqarsimaguni, INI-p allaffianut saaffiginnittussaapput. Taakkua sinneri aatsaat massakkut misissorluarneratigut nalilerneqassaaq salinneqaannarlutik uterfigineqarsinnaanersut imaluunniit qanoq suliassaatiginersut, Else Løvstrøm oqarpoq.