Ikuallannerit annertuut qamittut

Kangerlussuup Sisimiullu akornanni nunami ikuallannerit qamilerput. Aqqullu Arctic Circle Trail pisuffigineqarsinnaaleqqittoq Qeqqata Kommuniani upalugaarsimanermut pisortaq Ole Kreutzmann oqarpoq.

Kangerlussuup Sisimiullu akornanni nuna ikumammat pisuttunit ingerlaarfigineqaqqusaannginnera maanna atorunnaarpoq. Qeqqata Kommuniani upalugaarsimanermut pisortaq KNR-imut taama oqarpoq.

- Ippassaq unnuarlu siallerpoq, taamaalilluni nunap annertuup ikumanera qaminneqarluni, tamanna isumaqarpoq pisuttunut aqqut Arctic Circle Trail atorneqarsinnaaqqilertoq, Ole Kreutzmann oqarpoq.

AAMMA ATUARUK Sialuit qulimiguullillu nunamik  ikuallattumik qamisaataaqataapput

Nunami ikuallannerit amerlasuut qaminneqaraluartut qaqqap qaavini tikikkuminaatsuniittut sumiiffiit marluk suli ikumasut annikitsunillu pujuliortut taassuma oqaatigaa.

- Ullumikkut ullup ilaani unnugulu siallernissaa naatsorsuutigaarput. Taamaammat qaqqap qaaviniittut aqagu alakkassallutigit naatsorsuutigaarput, taakkua pisuttunut ulorianartorsiortitsinngillat, Ole Kreutzmann oqarpoq.

AAMMA ATUARUK Putsuaarimmi takornariat ingerlariaqqinneq ajulersut

Ikuallanneq juulip arfineq pingajuanni aallartippoq. Nuna ikumasoq kvadrat kilometerinik sisamanik annertussusilik qatserisartut Air Greenlandillu qulimiguuliutaata sialummit iluaquteqarlutik qatserpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat