Ikiaroornartutorsimanersut misissortalissavaat

Allattoq Mads Lynge
novembarip 26-at 2006 17:37

Julefrokosteqqammernermi kingorna aalakoorlutik biilertartut kisiisa pinnagit, ikiaroornartutorsimatilluni biilertarneq Danmarkimi aamma akiorniarneqalerpoq.

Aviisi Berlingske Tidende taama allappoq.

Julefrokostereernerup kingorna angerlamut biileraanni ikiaroornartutorsimanerlutik inuit misissorneqarsinnaalissapput. Folketingimi partiit amerlanerussuteqartut tamanna piumasaraat.

Holstebro-p politeeqarfia misissuisimavoq, tassanilu erserpoq biilertut 2 procentii ikiaroornartutorsimanngikkunik sianiutinut eqqissisaatinik nakorsaatitorsimasut.