Ikiaroornartuerniaq unnerluutigineqarpoq

Ikiaroornartuerniartarnermut atatillugu tigummigallagaasut ilaat ataaseq ullaap tungaa unnerluutigineqarpoq.

Matoqqasumik eqqartuussisoqarmat paasissutissat killilerujussuit pissarsiarivagut. Unnerluutigineqartoq arnaavoq.

Ikiaroornartuerniartarnermut atatillugu tigummigallagaasut nunatsinni Københavnimilu tigummigallagaasut katillugit arfiniliupput.

Politiit ukiumi ataatsimi misissuereerlutik Qaqortumi, Nuummi, Ilulissani Københavnimilu aggustip qaammataani tigusarinnipput.