Igallaqqinnerpaaq

Igasunngorniat Budapestimi Ungarnimiittumi apriilip 17-ianni nunanit tamalaanit peqataaffigineqartumi unammineranni tamanna pivoq.

20-nik ukiulik Ilannguaq Hegelund, Paamiuni inunngortoq, ilinniartumik allamik peqateqarluni igasunngorniat iggarinneqqisaammata siuleqqiusiornermi ajugaavoq.

Ilannguaq Hegelundip, Inuilimi ilinniartuusup, ilinniarnermi sinnera Ålborgimi ingerlappaa, aappaagulu marsimi naammassissalluni.

Ilannguaq Ilulissani Hotel Arcticimi aamma Hotel Sisimiuni igasunngorniarnerminut atatillugu sulinermik misiliivoq.

Ilannguaq Hegelundip angajua, 23-nik ukiulik, Inunnguaq Hegelund, nerisassiornerup iluani aamma tusaamaneqarluarpoq.

Nunatsinni igasut siorna iggarinneqqusaammata ajugaavoq. Kiisalu ilinniartuugallarami Inuilimi ilinniartut iggarinneqqisaallutik 2007-imi unammineranni ajugaalluni.

Qatanngutigiit Hegelundikkut akimasumik neriniartarfeqalernissartik siunissami takorluugaraat.

Taamaalluta immaqa Hegelund Gourmet tusassajunnarsivarput.