Igaliku mingutsitsinnginnerusumik innaallagialersorneqalersoq
![](/sites/default/files/styles/image_934x467/public/dji_0007.jpg?itok=_ytWTupm)
Nukissiorfiit nunatsinni atortunik nutaanik ullumi atuutsilersitsivoq taannalu tassa nukissamik seqinermeersumik anorimillu nalinginnaasumik dieseli atorlugu ataatsimoortitsilluni innaallagissiornerulluni.
Nukissanik pilersuut nutaaq misiliutaavoq nunaqarfiillu innaallagialersorneranut mingutsitsinikinnerusitsiniarnerulluni, nukissiorfiit tusagassiutinut allappoq.
Pilersaarut imaappoq, Igaliku aasaanerani seqernup anorillu nukinganit innaallagissamik pilersorneqartassasoq. Seqernup anorillu nukinganit nukissiorneq aalaakkaanngimmat nukissiorfik aamma battereqassaaq, taamaalillunilu ulloq unnuarlu pilersuineq assigiimmik pissaaq.
Generatori dieselitortoq maanna Igalikumi atorneqartoq seqernup anorillu nukinganik ajornartoornermi pilersuisassaaq, naatsortuutigineqarporli aasakkut generatori dieselitortoq atorneqartassanngitsoq, Nukissiorfiit taama nalunaarput.
Seqineq, anori batteeri generatorilu dieselitortoq atorlugu nukissiuteqarnissamut suliniut iluatsissappat tamanna nunaqarfinnut allanut 2017-imi 2018-imilu misiligarneqassaaq.