Icesave pillugu inatsit Island-imiut taasissutigeqqissavaat
Nunami namminermi naalakkersuisoq Ögmundur Jónasson naalakkersuisut ataatsimiinnerisa kingorna Isiland-imiut nutaarsiassaqartitsiviannut RÚV-imut oqarpoq,
Aningaaserivik Icesave pillugu inatsit Island-imi inatsisartuni Altinge-mi sapaatip akunnerani kingullermi amerlanerussuteqarluartunit taasisitsissutigineqarluni aalajangiunneqaraluartoq, inatsisip atuutilerneqarnissaanut Island-imi præsidenti Ólafur Ragnar Grimsson atsiorumanngilaq, tassalu inatsit taanna pillugu aappassaa atsiorumanani. Tamatuma kingunerisaanik Island-ip naalagaaffittut inatsisaa malillugu innutaasunut taasisitsissutigineqartussanngorpoq.
Icesave pillugu inatsisip isumaqatigiissutigineqarnissaa Island-imut pingaaruteqarpoq. Nunat siuarsagassat taarsigassarsiniartarfiannut Island-ip atorniarsinnaaneranut aalajangiisuummat.
Island-imi præsidentip inatsimmik akuersiumanngineratigut Island-ip Holland-imut Tuluillu nunaannut akiitsui milliard koruuninik amerlassuseqartut taarserneqarnissaanut isumaqatigissut nalornissutigineqalerpoq. Island-imiut aningaaseriviat Icesave 2008 akiliisinnaajunaarluni matuvoq.
