Qarlortaatit katuarpalaarlu: Ice Music Festival qallivoq
Ulluni makkunani Ilulissani piniartut qimussertarput. Naak qimuttut ilaatigut aalisariutigineqarlutillu piniariutaasaraluartut allatut takutitsiviussaaq. Sikuli qimusserfiuinnarani Ilulissani Ice Music Festivalimut nutaamut atatillugu atorneqassaaq.
Kangiata Illorsuata pisortaa Elisabeth Momme nassuiaavoq.
- Tusaannarlugu eqqumiissinnaavoq, kisianni serminik pissarsiniarneq ajornakusooqaaq, illalaajutigaluni oqarpoq.
Tamatumunga pissutaasoq tasaavoq sermeq nalinginnanngilluinnartoq festivalertoqalerpat nipilersortartunik atorneqartussaammat. Nipilersuutissaallu sermiminik sanaajussapput.
- Sermeq manngerneruppat soorunami aamma nipiginnerussaaq, Elisabeth Momme oqarpoq.
- Nipi eqqartorutsigu immikuullarissumik nipeqassaaq, taamaattumik piniartut qimussimik iluliarsuarnut serminik aallertinnikuuagut.
Norge suleqatigalugu
Norskit erinniortuat Treje Isungset, qatanngutigiillu Elsnerikkut nipilersornermi misigisaqartitsissapput, ilaatigut silofonertoqarluni, hornimik qarlortartoqarlunilu katuartoqarluni taakkulu elektroniskisut nipilersunganngussapput.
- Nipilersoriaatsit assingiinngitsut soorlu erinniukkat, melodiit, hybridit erinniarsuit nipilersoriaatsillu mutiusut. Taamatuttaarlu nipit aalangersimasunik ingerlanillit atassusernissaat ajornakusuussangaluartoq nipilersornermik misileraaffiulluassasoq Elisabeth Momme nassuiaavoq.
Nipilersornermik festivalip, Norgemi Ice Music Festival suleqatigaa, pisussarlu marsip qulingiluaani qulinganilu ingerlanneqassaaq.
Ulluni taakkunani Science Campeqarnermi meeqqanut inersimasullu oqalugiartoqassaaq.
- Bergen Universitep Science and Art Hub Ilulissani pilersitaraa Illumillu taajuuteqartunneqarpoq. Illumilu tassani eqqumiitsuliortut, ilisimatusartullu oqalugiartartut Elisabeth Momme oqarpoq.
Sermimik nipilersornermik festivali iluatsilluarluni aamma ukiuni aggersuni ingerlanneqassasoq taassumap neriuutigaa .
- Ilimagaara ullut nuannersuussasut nuannersunillu innuttaasut misigisaqarluassasut aammalu pisunik utertitsinissamut tunuliaqutaqarnissarput neriuutigalugu.
