Kangiata Illorsua Ilulissani ammartoq

Nunaqavissut takornariallu Ilulissani paasisassarsiorfimmi, Kangiata Illorsuani, sermip silarsuaanut misigisassarsiorsinnaanngorput.
Isfjordcenter
Ilulissani Kangiata Illorsua danskimit illussanik titartaasartumit Dorte Mandrupimit titartarneqarpoq. Assi © : Adam Mork
Isfjordscenter
Kangiata Illorsua pisuttuartarfiup ungasinngisaaniippoq. Assi © : Adam Mork
Paasisassarsiorfik 1.500 m2-itut annertutigaaq, taakkunannga 900 m2 kiassagaalluni, 400 m2-i missaa takusassiarineqarluni Assi © : Adam Mork
Allattoq Signe Haahr Pedersen , Andreas Wille
juulip 03-at 2021 14:27

Kangiata Illorsua ullumi arfininngornermi juulip pingajuani Ilulissani pulaartunut siullermeertumik tikilluaqqusivoq.

Iluliarmiut takornariallu tamaani sermip silarsuaanut paasisassarsiorsinnaanngorput, silallu pissusaata allanngoriartornera pinngortitaq sumiiffimmi qanoq sunnerneraa paasisaqarfiginerulersinnaanngorpaat. 

Avannaata Kommuniani borgmesterip, Palle Jerimiassenip, ammaanersiorneq pisutut pingaarutilittut taavaa:

- Kangiata Illorsuartaavata ammarneqarnera pingaaruteqarpoq. Iluliarmiut tikeraallu maanna ataatsimoorfissaqalerput. Illorsuup pilersinneqarnera Ilulissani pitsaasumik ineriartortoqarneranut aamma tapertaavoq, suliffissanik pilersitsinikkut Ilulissallu ornigassatut suli pilerinarnerulersinneratigut, borgmesteri tusagassiuutinut nalunaarummi allappoq.

Kangiata Illorsua

 

Aningaasat suliamut 152 mio. kr. missai atorneqarput.

Realdania 108 mio. kr.-inik tapiivoq.

 

Namminersorlutik Oqartussat Avannaatalu Kommunialu ataatsimut  23 mio. kr.-inik tapersiipput.

 

Kangiata Illorsua Greenland Visitor Centerimiit pigineqarpoq, taannaavorlu suliffeqarfik imminut ingerlattoq Namminersornerullutik Oqartussat ataanni.

 

Kangiata Illorsuata ulluinnarni aqutsisoraa Elisabeth Momme.

 

Paasisassarsiorfik 1.500 m2-itut annertutigaaq, taakkunannga 900 m2 kiassagaalluni, 400 m2-i missaa takusassiarineqarluni

 

Tusarfik: www.isfjordscentret.gl

Kangiata Illorsuaqalernissaanut isumassarsiaq, Ilulissat kangiata UNESCO-mit nunarsuami 2004-mi eriangisassanngortinneqarneranit pilerpoq.

Aqqatali kangiani sermit silarsuaata saqqummiunneqarnerunissaat pisussaaffilerpaa.   

Arfiniliusuni siulleq

Taamaattumik Namminersorlutik Oqartussat, kommune Avannaata Kommunia peqatigiiffillu Realdania suleqatigiinnissamik 2015-imi isumaqatigiipput. Taakkua pulaarluni paasisassarsiorfik sumiiffimmi pinngortitamik kulturimillu oqaluttuartoq taamani pilersikkusuppaat. 

Kangiata Illorsuanut aningaasat 152 millionit koruunit missaat atorneqarput. Taannalu illorsuaq tassaavoq Namminersorlutik Oqartussat sumiiffinni paasisassarsiorfittut pulaarfigineqarsinnaasutut ukiuni tullerni pilersikkumasaanni arfiniliusuni siulleq.  

Ilulissat Kalaallit Nunaanni takornarianit orningarneqarnerpaasarpoq. Coronaqanngikkallarmallu takornariat ukiumut 30.000-it illoqarfimmut tikittarput.

Kangiata Illorsuanut pulaartartut ukiumut 25.-27.000-nissaat naatsorsuutigineqarpoq

Aamma atuaruk