ICC-p suliniuteqartullu plastikkimik mingutsitsineq iliuuseqarfiginiaraat
ICC Kalaallit Nunaat tusagassiutinut taama nalunaaruteqarput.
- Plastikkimik atuinerup annikillisarneqarnissaanut iliuusissatut pilersaarummik naalakkersuisut pisussaaffilerneqarnissaat pillugu inatsisartut aalajangernerat suleqatigiit nuannaarutigaat, ICC Kalaallit Nunaata siulittaasua Hjalmar Dahl oqarpoq.
Kommunit, inuussutissarsiuteqartullu soqutigisaqaqatigiillu allat Naalakkersuisunit suleqatigineqarnissaannut naalakkersuisut taassuma saniatigut pisussaaffilerneqarput, iliuusissatullu pilersaarutip inatsisartut aappaagu 2020-mi upernaakkut ataatsimiinnissaanni saqqummiunneqarnissaa naatsorsuutigineqarpoq.
AAMMA ATUARUK Plastikkinik taama eqqagaqartiginera tupigusuutigaat
Innuttaasunut ukiaru siullerpaamik ataatsimiititsisoqarnissaata aaqqissorneqarnissaa, suleqatigiit "Plastic not so fantastic" ICC-lu ataatsimiinnerminni isumaqatigiissutigaat, soorlu aamma workshopertitsisarnissaq eqqarsaatersuutigineqartoq.
Paasissutissat plastikkimik atuinerujussuup annikillisarneqarnissaanut Naalakkersuisut iliuuserisassatut pilersaarutaannut innuttaasunik ataatsimiititsinikkut workshopeqartitsinikkullu katersorneqarnissaat siunniunneqarpoq. ICC-p siulittaasua Hjalmar Dahl taama oqarpoq.
AAMMA ATUARUK Plastikkimik atuinikinnerulernissamut siunnersuut taperserneqartoq