ICC-p inuusuttaasa meeqqat illuannik pilersitsinissaq aalajangiusimavaat
ICYC-p siulittaasua Stine Berthelsen ima oqarpoq.
- Nuna tamakkerlugu minnerpaamik ataatsimik pilersitsisinnaasuugutta akisussaaffeqarluni nuna tamakkerlugu naligiimmik innuttaasut sullissinnaallugit, neqeroorfigisinnaallugit, paasissutissanik ingerlaartitsisinnaalluta, kikkulluunniit inuinnaat, politikerit, meeqqanik inuusuttunik ilaqutariinnillu sullissisartut, periarfissaqarput ataatsimoortumik oqittumik, orniginartumik, paasissutissat tamaasa pigisaat, ikiorfissat assigiinngitsut periarfissallu ujartorneqarsinnaallutik. tassa taannaanna uagut ujartoripput.
Katsorsaavinnik periarfissanillu pioreersunik pitsanngorsaaginnarnissaq ICWC-miit isumaqatigineqanngilaq. Illoqarfinni nunaqarfinnilu ilinniarsimasunik amigaateqarfiusuni katsorsagassat, katersuuffiusumik ataqatigiissaarisoqarneratigut mininneqartannginnissaat qulakkeerneqarsinnaammat. Meeqqallu illuanit ataqatigiissaarneqartumi naggueqatitta Canadamiut periusaasa ilai iluatinnartitani, Stine Berthelsenip assersuutigaa.
- Tassa rejsehold una eqqaavara imaakkami Canadami arlaannik pisoqaraangat suleqatigiit, politeeq socialrådgivereq, juristeq taavalu aamma psykolog angalaqatigiillutik taakkununnga tikittarput ikiuiartorlutik suliaq aallartillugu ingerlaannaq immikkut ilisimasallit suleqatigiillutik meeraq ilaqutarlu aallaavigalugit sulissapput. Taamaattumik eqqaaqqikkusuppara børnehus pilersinneqartuuppat, børnehusip akisussaaffigissagaluarpaa sulineq aallartissinnaagaluarpoq. Taamak oqarpoq Stine Berthelsen ICWC-mi siulittaasoq, kiisalu meeqqat illuannik pilersitsinissaq siunertaralugu ataatsimeersuarnermi pilersaarusioqataasoq.
