IA: Sooq ilisimatuut innersuutaat malinneqanngillat?
Inuit Ataqatigiit pinngortitamik ilisimatuut appanik eqqissisimatitsilluinnartoqarnissaanik innersuussutaat Naalakkersuisut sooq malinniannginneraat tusaqarfigerusuppaat.
Allattoq Kerté Jeremiassen
januaarip 19-at 2016 17:10
Tamanna Inuit Ataqatigiit sinnerlugit Inatsisartuni ilaasortap Naaja Nathanielsenip, Naalakkersuisunut paragraf 37 naapertorlugu apeqquteqaataani erserpoq.
Appat ikiliartorneranni sunngiffimminni piniarnermik allagartallit, appanniarsinnaanerat Inuit Ataqatigiit eqqumiigaat.
Aamma atuaruk KNAPK-p Pinngortitaleriffik isumaqatiginngilaa
Appat nungutivinneqarnissaat aarleqqutigineqannginnersoq, paasissutissallu suut Naalakkersuisuniit nalunaarummi nutaami tunngavigineqarnersut Naaja Nathanielsenittaaq paaserusuppaa.
Aamma atuaruk Appat ikiliartuinnavipput
