Mittarfiit aningaasalersorneqarnissaannut IA isumaqataavoq
Nuummi Ilulissanilu mittarfiit tallineqarnissaannut Qaqortumilu mittarfiliornissamut aningasalersorneqarnissaannut Naalaakersuisut aningaasaqarnermut inatsimmi saqqummiussaat Naalakkersuisoqataasut IA isumaqatigaat.
AAMMA ATUARUK Air Greenlandip mittarfissanik aningaasalersueriaasissaq tupaallaatigaa
Naak mittarfiit amigaartooruteqarfiusussaasut naalagaaffiup aningaasaateqarfianit oqaatigineqaraluartoq
Inatsisartuni aningaasaqarnermut akileraartarnermullu ataatsimiititaliami IA-p ilaasortaatitaa taama oqarpoq.
- Nunatta karsianit immikkut Kalaallit Airportsimut nuuttartunngornissanik siunnersuuteqarneq Inuit Ataqatigiiniit tapersersorparput pisariaqarluinnartutullu isigalugu Bendt B. Kristiansen Naalakkersuisut Kalaallit Airpotimut aningaasalersuiniarnerat pillugu taama oqarpoq.
Mittarfiliornissamik pilersaarusiortumut Kalaallit Airportsimut 300 millionit koruuningajaat aningaasaliissutigineqareerput.
Taassuma saniatigut TELE-POST-ip Air Greenlandillu iluanaarutaannik PFA Soraarnermiillu isertitassanit ataasiartaasunit pissarsinissaq kissaatigaat.
Taavalu aamma sanaartornissamut ukioq manna aappaagumullu aningaasaliissutit atunngitsuukkat nunattalu karsiata 2016-imi, 2017-imi 2018-imilu sinneqartoorutai tamakkivillugit aningaasaliissutaanissaat, Naalakkersuisut kissaatigaat.
Naalagaaffiup aningaaserivissuata mittarfiit marluk tallineqarnissaat nutaamillu mittarfiliornissaq mianersoqqussutiga Naalagaaffiup aningaaserivissuata oqarnera naapertorlugu mittarfiit amigartooruteqarfiussagunarmara.
AAMMA ATUARUK Mittarfiit aningaasartuutaajualersinnaapput
- Aningaaseriviit periusaat taamaattarput, mianersoqqissarnermik tunngaveqartumik suleriaaseqarput tamanna pissusissamisuuginnarpoq.
Bendt B Kristiansenip erseqqisasatigaa, taama amerlatigisumik aningaasaliinissamut naatsorsuinerit nunatta karsiata akilersinnaassanngikkaa paasineqarpat politikkikkut tulleriiaarisoqartariaqassasoq.
AAMMA ATUARUK Sinneqartoorutinit aningaasaliissuteqarusuttut
Aningaasaqarnermut akilraartarnermullu ataatsimiititaliami siulittaasoq Jens Immannuelsen oqarpoq mittarfiit aningaasalersorneqarnisaannut naalakkersuisut saqqummiussaat siumut gruppeanni oqaluuserineqassamaartoq
- Naalakkersuiusut sanaartornissamut saqqummiussat eqqarsaatigalugu, isummersorumaarpugut ataatsimoorluta naapikkutta, Jens Immanuelsen taama oqarpoq.
- Mittarfiit tallineqarnissaat kinguarteqqattaaginnarneqarsinnaanngilaq, Jens Immanuelsen inatsisartuni aningaasaqarnermut akileraartarnermullu ataatsimiititalimi siulittaasoq taama oqarpoq.
