Assi: KNR/Arkiv

IA: Politikkikkut sulinerup killiffia

IA-kkormiut Qeqertarsuup tunuaneersut sapaatit akunnerata naanerani isumasioqatigiipput. Qaasuitsup Kommuniani, Inatsisartuni Folketingimilu politikkikkut sulinerup killiffia isumasioqatigiinnermi qulequtarineqarpoq.

Sammisarpassuit ilagaat Nunatsinni urani. Naalakkersuisuutitaqalersut uranimut akuersaanngilluinnarnerup atorunnaarsinneqarnissaanik ulapputeqaleruttortut, IA-p partiitut ukiorpassuarni tamatumunnga isummersimanini attatiinnarniarlugu aalajangiusimavaa. Akuersaanngilluinnarnissaq IA-p politikkianut ilaalluinnarpoq, tamatumalu allanngortinneqarnissaa pilersaarutigineqanngilaq.

IA-ttaaq Nunatsinni imminut pilersornerup siuarsaavigineqarnissaa pilersaaruteqarfigaa. Tamanna Kujataani nunalernermi uumasuuteqarnermilu nioqqutinik pingaarnertut pissaaq. Najukkami assartuinermut akigititat appartinneqarnerisigut tamanna ilaatigut anguneqarsinnaavoq. Aammattaaq inuussutissat nunatsinnut eqqussorneqartut CO2-mut akitsuusersornerisigut imminut pilersornerulernissaq qanillattorneqarsinnaavoq.

Qaasuitsup Kommuniani isumaginninnikkut sullissinerup kigaappallaartup sullissinermik sukkanerusumik pingaartumillu eqaannerusumik taarneqarnissaa IA-p ilungersorluni sulissutiginiarpaa. Pissutsit maannakkut atuuttut atuutsillugit, innuttaasunut kommunimullu akisuallaaqaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat