Politikki

IA-p Demokraatillu Sermersuumi suleqatigiinnertik ingerlatiinnassavaat

Inuit Ataqatigiit Demokraatillu Kommuneqarfik Sermersuumi kommunalbestyrelsimi suleqatigiinnerat pitsaasoq allannguuteqarani ingerlaannassasoq, IA-p kommunalbestyrelsimi ilaasortaatitaasa siulittaasuat Mille Søvndal tusagassiorfinnut nalunaarummi taama allappoq.

Allattoq Apollo Jeremiassen

decembarip 12-at 2014 06:01

Demokraatit siulittaasuata Andreas Uldumip Inatsisartut inissitsiteriffiusumik ataatsimiinneranni Aningaasaqarnermut Aatsitassanullu Naalakkersuisutut ullumi ivertinneqarnissaa taamatumullu kommunalbestyrelsimit sulinngiffeqartariaqarnera innersuussutigalugu taama allappoq.

Sinniisussaminit Poul Hansenip paarlanneqassaaq, Demokraatillu kommunalbestyrelsemi ilaasortaatitaasa siulittaasuat tassaalissalluni Justus Hansen.

Andreas Uldumip sulinngiffeqarnissaa Kommuneqarfik Sermersuumi suleqatigiinnermut allannguuteqartitsissanngitsoq Mille Søvdalip naqissuserpaa.

Angusat pitsaasut
Demokraatillu kommunalbestyrelsemi ilaasortaatitaasa siulittaasuata Justus Hansenip Demokraatit IA peqatigalugu pitsaasunik angusarpassuaqarsimanerat aamma eqqaavaa.

- Tamannalu qinigaaffiup sinnerani ingerlateqqikkusupparput, Justus Hansen oqarpoq, tamannalu Mille Søvndalimit ilalerneqarpoq.

Demokraatit Inuit Ataqatigiillu Kommuneqarfik Sermersuumi 2009-mi kommunerujussuanngortitsisoqarmalli suleqatigiilerput.

IA-p Demokraatillu Sermersuumi suleqatigiinnertik ingerlatiinnassavaat

Aamma atuaruk