Aaja Chemnitz Larsenip oqarnera naapertorlugu nunaqarfippassuarni utoqqaannarnik ilaannilu angutaannarnik annermik najugaqartoqarpoq.Assi: Scanpix

IA-p Aaja Chemnitz Larsen akerlilerpaa: Soorunami nunaqarfinnik matoorisoqassanngilaq

Folketingimi ippassaq unnukkut ammaanersiuisoqarnerani Aaja Chemnitz Larsenip nunaqarfiit matuneqarnissaat siunnersuutigaa. Tamanna nammineq akisussaaffigissavaa, partiip siulittaasua oqarpoq.

Aaja Chemnitz Larsenip Inuit Ataqatigiinneersup nunaqarfiit matuneqarnissaat siunnersuutigiguniuk tamanna nammineq akisussaaffigissavaa.

Partiip sinneranit taama nalunaaruteqartoqarpoq.

Partiip siulittaasua, Muté Bourup Egede tusagassiuutinut nalunaarummi allappoq: 

- Manna aqqutigalugu naqissusissavara Inuit Ataqatigiit partiitut siunertarinngisaannarmagu siunertarinngissaannassallugulu inoqarfinnik matooraanissaq. Inuit kikkulluunniit sumiluunniit najugaqarnissaminnut namminneq aalajangiinissaminnut kiffaanngissuseqarput. Tamanna qaqugumulluunniit apeqquserneqassanngilaq.

Nunaqarfinnik matoorinissaq Aaja Chemnitz Larsenip Folketingip sisamanngornermi unnukkut ammaanersiornermi oqalugiarnerani siunnersuutigaa.

- Namminerlu isumaqarpunga nunatsinni najugaqarfiusunit 80-ingajannit ikinnerusuni najugaqassagut. Illoqarfiit ineriartortinneqassapput, nunaqarfiit sulilluarfiusut attanneqassapput nunaqarfiillu allat nalinginnaasumik matuneqassallutik, Aaja Chemnitz Larsen oqarpoq.

Inatsisaatsuuneq inatsiseqannginnerlu

Nunaqarfinnik matoorinissamut sammisaqarneq mianernartuuvoq. Nunaqarfinnik matoorisoqareernikuuvoq, nunatsinnilu 56.000-inik innuttaasoqartumi illoqarfiit nunaqarfiillu ullumikkut 80-ingajaapput.

AAMMA ATUARUK Aaja Chemnitz Larsenip nunaqarfiit matorusukkai

Aaja Chemnitz Larsenip oqarnera naapertorlugu nunaqarfippassuarni utoqqaannarnik ilaannilu angutaannarnik annermik najugaqartoqarpoq. Taakkulu najugaqarfeeqqanik nalinginnaasumik atorunnaarsitsinissamut pissutaaqataapput. Tamatuma saniatigut suliffissat naammanngitsut, kommunefogdit amigaataasut nutaanillu sanaartortoqanngitsoq oqaatigaa.

- Nunaqarfinni inatsiseqannginnitta inatsisaatsuussuseq inatsisaatsuliorliornerlu kingunerai. Nunaqarfinni meeqqanut atornerluinerpassuarnut pisimasunut aamma tunngavoq. Taamaattoqarsinnaanngilaq.

Nammineq aalajangiisinnaassuseqarneq

Taassuma nammineq partiianit Aaja Chemnitz Larsen taperserneqanngilaq.

- Innuttaasut sumi najugaqarnissaminnut nammineq aalajangersinnaatitaanerat aamma ima isumaqarpoq qinikkatut pisussaaffeqaratta, aamma innuttaasuni namminermi, inoqarfiit peqqinnartumik nukittuumillu inissisimasut toqqammavilernissaannut ineriartortittuarnissaannullu, taassuma partiiani siulittaasoq, Muté Bourup Egede oqarpoq.

Tassumali nunaqarfinni ajornartorsiuteqarnera nassuerutigaa:

- Inuit Ataqatigiinniit aamma erseqqissaatigissavarput pissutsit piviusut tassaammata inoqarfinni tamani, annerusumik minnerusumilluunniit, ajornartorsiuteqaratta ammasumik matoorinatalu oqaluuserisariaqakkatsinnik iliuuseqarfigisariaqakkatsinnik, inuiaqatigiit siunissami peqqissumik toqqammaveqarlutik ingerlanissaat ineriartortuarnissaallu anguniagaavoq, Muté Bourup Egede oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat