IA-mioq paarlaavoq

Naalakkersuisut siulittasuat, Kim Kielsen, tallimanngornermi ualikkut nalunaarpoq, Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq, Siumumeersoq Martha Lund Olsen, naalakkersuisuniit tunuartoq.

Martha Lund Olsenip Naalakkersuisoqatigiinni qaammatit pingasut qaangiuttut pilersineqartuni tamanit nakkutigineqartuusumik angallannermut naalakkersuisuuneq akisussaaffigaa. Angallannermut naalakkersuisoqarfik, angallassinermik kiffartuussinermut isumaqatigiissutinut oqallissutaaasunut akisussaasuusoq, Inuit Ataqatigiinneersumit  Muté Borup Egedemit, aatsitassanut maannamut naalakkersuisusumit, akisussaaffigineqalerpoq.

Muté Borup Egedep Martha Lund Olsenip akisussaaffigisai allat upernaaru ataatsimiinnissami allamik toqqaasoqartinnagu aamma tigummissavai.

Martha Lund Olsen Kommuneqarfik Sermersuumi borgmesterinngorsinnaanera anguniarlugu siunigiisumik iliornerunersoq, Kim Kielsenip akiumanngilaa.

Kommunit annersaat Inuit Ataqatigiinneersumit borgmester Asii Chmenitz Narupimit aqunneqarpoq, kommunit allat tamarmik Siumumeersunit aqunneqartut.

Kim Kielsen oqaannarpoq, Martha Lund Olsenip siunissami pilersaarutini pillugit nammineq akissasoq.