IA erninermi sulinngiffeqartunut aningaasaateqarfiliorusuppoq
Sulisut erninermut atatillugu sulinngiffeqaraangata, tamanna suliffeqarfiinnnut namminersortunut mikinerusunut sakkortusarpoq, sulisitsisut aningaasatigut eqqorneqartarmata. Tamatuma saniatigut ilaqutariinni angutitaasoq isertitaqarnerukkajuttarpoq, amerlanertigullu taassuma suliartornissaa ilimanarnerusarluni.
Pissutsit takkua marluk peqqutigalugit arnap suliffik pinnagu angerlarsimaffik qinertarpaa. Tamanna allanngortinneqartariaqartoq Inuit Ataqatigiit isumaqarput.
- Angajoqqaat meeqqamik sivisunerumik najornissaannut periarfissaqarnerulerlutillu aningaasaqarnerat isumannaannerulissaaq, aammali suliffeqarfiit mikinerusut arnanik akissarsiaqaatigalugu sulinngiffeqartitsinissaminnut periarfissarissaarnerulissapput, Inatsisartuni ilaasortaq, Naaja Nathanielsen, Inuit Ataqatigiit taama oqarpoq.
Taanna oqarpoq ernereernerup kingorna sulinngiffeqarnermi aningaasaateqarfik, Namminersorluni Oqartussanit, sulisitsisunit sulisartuniillu aningaasalersorneqartussatut Inuit Ataqatigiit takorlooraat.
Aningaasaateqarfimmut aningaasalersuisussatut takorloorneqartut qanoq angitigisumik aningaasartuuteqartasssanersut erninermilu sulinngiffeqarnermiit aningaasat qanoq amerlatigisut tigusartagarineqartussatut takorlorneqarsut, Naaja Nathanielsenip oqaatigisinnaanngilaa. - Erninermi sulinngiffeqarnermi aningaasaateqarfimmut peqataasussat tamanna isumaqatigiinniutigissagaat, IA-meersoq isumaqarpoq:
- Siunnersuut akuerineqassappat aningaasaateqarfissap ilusissaa pillugu isumaqatigiinniarnerit sivisuuumik ingerlanneqassasut ilimanarpoq. Kisianni neriuppunga ukiut marlussuit ingerlaneranni aningaasaateqarfik piviusunngorumaartoq, Naaja Nathanielsen naggasiivoq.