Naalakkersuisoqatigiinnut isumaqatigiinniarnerit: IA partiinik allanik oqaloqateqarusuttoq
![Sara Olsvig](/sites/default/files/styles/image_934x467/public/saraolsvig.jpg?itok=MtaidWn1)
Inuit Ataqatigiit naalakkersuisoqatigiinniinnissamut isumaqatigiinniarnernit ataasinngornermi ulloqeqqata missaani tunuarput, tamatumunngalu atatillugu partiinut allanut oqaloqatiginnikkumallutik.
- Isumaqarpugut, allaanerusumik pitsaanerusumillu periarfissaqartoqartoq, partiillu allat soqutigissappassuk tamanna pillugu oqaloqatigiinnissamut piareersimavugut, partiip siulittaasua, Sara Olsvig, tusagassiuutinut nalunaarummi allappoq.
KNR-imullu ima oqarpoq:
- Erseqqissumik nalunaarutigaarput, uagut oqaloqatiginninnissanut ammagatta, Sara Olsvig oqarpoq.
Aamamali Illuatungiliuttuuginnarnissartik piareersimaffigaat.
AAMMA ATUARUK Politikkikkut suleqatigiissinnaasut aajuku
AAMMA ATUARUK Inuit Ataqatigiit isumaqatiginninniarnernit anipput
Partii Naleraq naalakkersuisoqatigiinnit sapaatit akunneri marluk matuma siorna tunuarmat, Naalakkersuisut siulittaasuata, Kim Kielsenip, naalakkesuisoqatigiivi ikinnerussuteqalerput. Partiit maanna naalakkersusoqatiigiinniittut Siumut, Atassut, Nunatta Qitornaalu inatsisartuni ilaasortani 31-usuni 13-inik ilaasortaqarput.
Tassalu Kim Kielsenip Inatsisartuni amerlanerussuteqaqqilerniaruni Demokraatit naalakkersuisooqatigilissallugit neriuutigisariaqarpaa.
Inuit Ataqatigiit, Atassutip, Demokraatit Suleqatigiissitsisullu naalakkersuisoqatigiilernissaat, Suleqatigiissitsisuneersup Tillie Martinussenip siusinnerusukkut kajumissaarutigaa. Partiit taakku Inatsisartuni 17-inik ilaasortaqarput.
AAMMA ATUARUK Samarbejdspartiet revser koalitionspartierne