Inuit Ataqatigiit isumaqatiginninniarnernit anipput
Maanna naalakkersuisut aalakkaasumik tutsuiginartumillu nunatsinnik aqutsisinnaanngillat. Inuit Ataqatigiit taama isumaqarput.
Innuttaasut peqataatinneqarnerusariaqarput, ammanerusumillu aqutsisoqartariaqarluni. Siumullu naalakkersuisoqatigiiliorniarnissaq pillugu isumaqatiginninniarnerni Inuit Ataqatigiit tusaaniarnagillu naaperiarusussuseqarfigisimanngilai. Inuit Ataqatiigiit tusagassiutinut nalunaarummi saqqummiunneqaqqammersumi taama ilaatigut allaaserisaqarput.
Periarfissat allat ujartorneqarsinnaasut Inuit Ataqatigiit isumaqarput, partiillu allat isumaqatiginninniarfiginissaannut piareersimanerarlutik, taamaalisoqarsinnaanngippallu illuatungiliuttuttut nukittuutut inissisimanissaminnut aamma piareersimanerarlutik.