Højskolit aningaasatigut ajornartorsiulersinnaapput
Taakkunannga 77 procentit atorfeqaleriinngikkunik piginnaalersitsisumik ilinniagaqartut, atuartuusimasunik apersuinerup takutippaa.
- Taamaammat højskolinut tapiissutit peerneqarnerat kukkuluttorneruvoq, Knud Rasmussenip Højskoliani forsyanderi Jakob Møller Lyberth oqarpoq.
Højskolinut tapiissutit ukioq manna 11,3 millionit koruuniupput, aningaasaliissutillu ukiuni tulliuttuni 3 millionit koruuninik ilanngaavigineqassapput.
Højskolit marluk akiitsoqarput. Novembarip naajartulernerani akiitsut katillutik 8,8 millionit koruuniupput.
Højkolit ukiumi atuarfiusumi 2008-2009-mi efterskolitut atorneqarnerat tamatumunnga pissutaasoq højskolit oqarput.
Namminersorlutik Oqartussanit aningaasaliissutit ikippallaarsorineqarput, angajoqqaallu akiitsutik aamma akilersimanagit.
- Iliuuseqartariaqalissagunarpugut. Atuisut immaqa akiliisalertittariaqalersinnaavagut. Soorlu Danmarkimi taamaaliortoqartartoq. Danmarkimi atuartut højskolerniartut 20.000-it koruunit missaannik akiliisarput, Jakob Møller Lyberth oqarpoq.