Huawei Tysklandimi nutarsaaniarsinnaatitaanissamut peqataasinnaatitaassanngitsoq
Kinamiut attaveqaqatigiinnermi suliffeqarfissuat Huawei, Tysklandimi attaveqatigiinnermi nutarsaanermi 5G-mik taasagaannik pilersitsiniartoqarneranut peqataasinnaatitaassanngilaq.
Tysklandip nunanut allanut tunngasunut ministeriata Heiko Maasip tamanna nalunaarutigaa. Nutaarsiassaqartitsivik Reuters taama allaaserisaqarpoq.
Huawei, Kinami isumannaallisaanermut tunngasuni paasissutissanik Kinami naalakkersuisunut ingerlatitseqqiisarnissamut pisussaatitaavoq.
AAMMA ATUARUK Norgemi isertortumik paasiniaasartut paasisaat Nunatsinni ernumassutissaanngillat
Huawei tamanna pillugu naalagaaffiup soqutigisaanut qanippallaarpoq, Heiko Maas, Berlinimi ippassaq ataasinngornermi oqarpoq.
Oqarasuaatinut angallattakkanut attaveqatigiinnermi atortut nutaaliaasut, soorlu 5G-tut ittut, atulersinneqarnissaannut suliariumannittussarsiuussinermi malittarisassat Tysklandip tamanna pillugu sukateriffiginiarpai.
Huaweip assersuutigalugu attaveqaqatigiinnermi nutaanngorsaanermi peqataatinneqarsinnaannginnissaa USA-p suleqatigisaminut kissaatigaa.
AAMMA ATUARUK USA suliffeqarfiit aalajangersimasut Huaweimik assuarineqartumik niueqateqartalernissaannut akuersiumavoq
USA-mi isumaqarpoq Huaweip attaveqaqatigiinnermi atortui kilitsissiatut sulinermut atortulersugaasut.
/ritzau/
