HS-analyse: Naalakkersuisooqatigiit suli amerlanerussuteqassapput
Isumasiunermut - naalakkersuisoqatigiit qinersisoqassagaluarpat suli amerlanerussuteqassagaluarput - tamanna Sermitsiap HS Analysellu misissuititsineranni takuneqarsinnaavoq.
Allattoq Kerté Jeremiassen
novembarip 27-at 2015 19:56
Misissuinerit inuit 761-it 18-nik ukioqalereersimasut peqataaffigisaanni takutippaat, ullumi qinersisoqassagaluarpat naalakkersuisoqatigiit 16-nik suli amerlanerussuteqassagaluartut.
Isumasiunerit aamma takutippaat IA partiini kisiartaalluni ataatsimik siuariassagaluartoq, demokratit ataatsimik kinguariartut. IA-p qinersisartui 33,5 procentiniit 36,8 procentinut amerleriassagarluartut, pingartumik Nuummi, Maniitsumi Sisimiunilu misissuinerit takutippaat.
Demokratit Nuummi kinguariassapput - illoqarfinnili allani tapersersorneqaraluarlutik, inatsisartunut ullumikkut qinersisoqassagaluarpat ilaasortaatitatik sisamat pigiinnarsinnaassanagit.
