Hongkongimi aviisi kingullerpaamik saqqummersitsissasoq

Hongkongimi aviisimi, Apple Dailymi sulisunik tigusarinnittoqarlunilu aningaasanik attuisoqarsinnaajunnaarpoq. Aviisimit saqqummertussat kingulliit sisamanngorpat saqqummissapput.
Aviisip Apple Dailyp sulisumi isumannaatsumi inissisimanissaat, matulernerminut tunngavigaa. Aviisi 600 missaannik tusagassiortoqarpoq. Assi © : Peter Parks/AFP/Ritzau Scanpix
Allattoq Ritzau
juunip 23-at 2021 10:54
Nutserisoq Mads Lynge

Hong Kongimi aviisi, tamat oqartussaaqataanerannik pingaartitsisoq Apple Daily aqagu sisamanngornermi kingullerpaamik saqqummersinneqassaaq. Saqqummersitsisartoq Next Digital pingasunngornermi taama ilisimatitsivoq.

Aviisip aaqqissuisoqarfia politiinit pakasaallutik misissuisunit ukiup kingulliup ingerlanerani misissuiffigineqareersorlu, sulisullu isumannaallisaanermut inatsit nutaaq aallaavigalugu tigusarineqareersullu taama pisoqarpoq.

AAMMA ATUARUK Hongkongimi nutaassiassanut aaqqissuisuunerit tigusarineqartut

Aviisip aaqqissuisoqarfia politiinit 200-nit siorna aggustimi misissuiffigineqarpoq. Aviisip piginnittua, Beijingimilu naalakkersuisunik isornartorsiusoq, Jimmy Lai tassani tigusarineqarpoq.

Politiit 500-t aviisimi aaqqissuisunik assigiinngitsunik tallimanik sapaatip-akunnerata siuliani tigusarinnipput. Allaaserinnittartut ilaat ullumi pingasunngornermi aamma tigusarineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq